Tharak

Chubhti hai, nochti hai,

awaaz ko majboor karti hai!

Paidal hai, par bhagaati hai,

saanso mein fitoor bharti hai!

Rassi hai, baandh rakhti hai,

dheel de kar, girati bhi khud!

Paani hai, pyaase ko pukaarti hai,

Chhite pade toh, jagaati bhi khud!

Kabhi sardi k kambhal c besharam,

par hayaa ki chadar mein chup jaati hai!

Kabhi kasai ki chhuri c bereham,

pyaar k lal rang ko bhool jaati hai!

Bachchi hai, sachchi hai,

maasumiyat mein ghul paati hai,

Naadan hai, par shaitaan hai,

Tanha raato mein lubhaati hai!

Neel hai, kabhi-kabhi daag de jaati hai,

barsaat hai, be-mausam baras jaati hai,

Dekho toh aasaani se nazar kaha aati hai,

Dhhondle niklo toh khud-b-khud bistar pe saj jaati hai!

Chubhti hai, nochti hai,

awaaz ko majboor karti hai!

Paidal hai, par bhagaati hai,

saanso mein fitoor bharti hai!