Kab tak ?

Takiye tale kayi haseen sapne bune honge,

Kab tak aansuo se unka tana mota karoge?

Hawae toh har mausam aese hi bahengi,

Kab tak band khidki k shor ko jashn kahoge?

Bheed mein chalte hue dhakke toh lagenge,

Kab tak do gajj k daere mein rahoge?

Dee toh ek hii duniya ek hi zindagi sabko,

Kab tak mitti ki murat ko dosh doge?

Lakeeren toh tazurbe se hi padhti hai,

Kab tak chand rekhao ko kismat samjhoge?

Jitna sochoge, utna kar toh nahii sakoge,

Par jitna karoge, usse jyada hi soch zaroor sakoge!

Khoob hasso! Khoob Khilo! Khoob Jiyo!

We are what our thoughts have made us. So take care of what you think. Words are secondary, thoughts live and travel far.

Swami Vivekanand