Thoda kamina hota ..

Masoom patta woh,
Kuchh boonde sambhal baitha hai.
Darta na raato se,
Oos ko sametne jagta hai.
.
.



Muskaan saadi si,
Insaan hoon saada saa,
Sab kuchh toh pura hai,
Tu maange ho sab aadha saa.

Kudrat k kaanto ki chubhan,
Dil ne hass k ki sahan.
Fidrat pooche kaese jiyo main,
muskurata mukhota pehan.


Maamuli sahi, ratti bhar hi,
Kuchh pal sahi, uss kal mein hi,
Thoda, yaa thode se jyada ,
Main bhi kamina hota!

Naa darta chhedne se,
Dilo sang khelne se,
Puraana saa kabaad,
Saja ki bechne se.

Lanka naa yuh jalti,
Kismat na yuh hasti,
Agar thoda, aur thoda,
Main bhi kamina hota!

Thodi izzat hi kam hoti,
Sar chadti har pal nayi panoti,
Kya karta jyada batolke,
Jab khaata main akela hi roti?

Soch ghoomake phir wahi layi,
Sachchi se badi na meri kamai,
Khaali bhale mera katora ho,
Par naam k aage kamina na ho!

.
.
Masoom patta woh,
Kuchh boonde haar baitha hai,
Chup hai phir roshni mein,
Andhere mein saaye datolta rehta hai.