Jazba

Darr toh lagta hai ek haar kaa,
par pal bhar se usse rijha leta hu!
Kachche kachche se sapne hai kayi,
apni hi goad me sula leta hu!

baatein logo ki sun ni toh padhti hai,
par unki bhool ko bhula deta hu,
aur jab raat ko wahi baat laut ti hai,
kissi purane geet me usse daba deta hu!

paese se kehte hai chalti duniya,
kharche thode bacha leta hu,
bheed ki raahe dhundli pade toh,
Siyaahi se nayi bana leta hu!

abhi kadam thode chhote hi hai,
jazbe ko thoda bada leta hu,
jab muskaan sikurne lagti hai,
apni hi ungliyo se gudguda leta hu!