Pehli Baar Toh Nahi ..

Kaha kuchh roz pehle FB profile hatane ka socha tha,

par abb betuke waqt usse tatoolta rehta hu..

Kaha neend se toh jaese gehra naata tha,

par abb raato mein tukdo mein soota hu ..

Kaha Shayar apni shayari bhoole baitha tha,

Abb toh Excel sheet se bhi shayari nikaalta hu ..

Pehli baar toh nahi hai yeh,

par ishq ne phir chhua hai jaese ..

Kuchh saal pehle jo naasamjhi mein kiya karte the,

usse dohrane kaa ek naaya matlab de raha hu ..

Mobile ki har vibration teri jhalak saamne laati hai,

par abhi toh number exchange karne k intzaar mein hu ..

Kaha khud ki pics se obsessed rehta tha,

par abb teri pics ko background score sang nihaarta hu ..

Pehli baar toh nahi hai yeh,

par ishq ki gali mein phir kadan pada hai jaese!

Bachpane ki aad mein ..

CCD, Pizza Hut k laayak toh hai hi hum,

par harkote mein aaj mein aakhri tokde ko ladte hai ..

Kitna bhi gannd dekh le raaton mein,

phir bhi Tom n Jerry pe marte hai ..

Gone with the Wind toh apne mein hai hi khaas,

phir bhi Tintin and Asterisk ko padhte hai ..

Bachpan toh gaya,

par bachpane ki aad mein,

halki masumiyat pe palte hai ..

Sehna toh din-b-din badhta jaa raha hai,

abb chocolate sang, Antiquity pe bhi chalte hai ..

Office mein khoob binbulai hasi ko rokte hai,

phir bhi thahaake akele mein hi nikalte hai ..

Itne bhi Nadaan nahi hai hum par,

sab samjhke bhi samjhaane waalo ko taraste hai ..

Bachpan toh gaya,

par bachpane ki aad mein,

abb badhappan se guftgu karte hai ..