Pyaar ki bhookh ne, bikhari sa bana diya,
Meelo chale dhoop me, aunde muh gira diya!
Bhookh k ehsaas ne, toote muh ka dard chhupa diya,
Dukhti nabz sang pet bharo, aesa naya chaska diya!
Sukhi aankhe chup hai, jo pet aansu se bhar liya,
Par inn geele kisso ne, pyaar ki aag ko bujha diya!
Pyaar ki bhookh ne, bikhaari sa bana diya,
Jiss-se puja Rab-sa, usne dutkaar bhaga diya!
Dar-dar tere inetzaar me, din yuhi beeta diya,
Shaam dhali raat mein, toh sapno ne darra diya!
Sannato k khauph me, ek jaam humne saja liya,
Par jaam ki kamini niyat ne, tera chehra ankho me la diya!
Pyaar ki bhookh ne, bikhaari sa bana diya,
Dekha khud ko gor se, toh aaine ne hasa diya!
Ussi hasii k lalachh ne, shayar hume bana diya,
Tabse apne kore panno pe, shyaahi ko sukha diya!
